من تاريخ "المُحن" النسوي

عمر المُحن ما غيّر فكرة

 

مقارنة سريعة لما تحبي تتصوري لنصرة قضية المفروض إنك "بتعاني" منها

 



الصورة من حملة ناجين من اعتداء جنسي بيذكروا فيه جمل قيلت لهم من المعتدي

Project Unbreakable - Survivors of sexual assault, photographing them holding a poster with a quote from their attacker

سهير / الدقهلية

لقيت طفلة (١٣ سنة) مصرعها، مساء أمس الأول، أثناء إجراء عملية «ختان» بعيادة خاصة بقرية منشية الإخوة التابعة لمركز أجا بالدقهلية، وحررت أسرة الضحية محضراً اتهمت فيه طبيباً بالتسبب فى وفاة ابنتهم.

وقال الباتع محمد إبراهيم، فلاح، والد الضحية «سهير»، لـ«المصرى اليوم»: «تركنا ابنتنا مع الطبيب والممرضة فقط، وبعد ربع ساعة أخرجت الممرضة ابنتى من غرفة العمليات ونقلتها إلى غرفة مجاورة ومعها ٣ بنات أخريات أجرى الطبيب لهن عمليات ختان أيضا». وأضاف: «انتظرت نصف ساعة على أمل أن تفيق ابنتى، لكن للأسف لم تفِق كبقية الفتيات، فطلبنا الدكتور وخرج وأدخلها غرفة العمليات مرة ثانية، ثم فوجئنا بسيارة إسعاف تنقلها خارج العيادة، ولما سألنا الدكتور قال لنا إن البنت ضعيفة ولا توجد إمكانات بالعيادة، وعند وصولنا مستشفى أجا قالوا لنا البنت ميتة».

وبكى الأب وهو يقول: «لو أعرف إن عملية الختان هتموتها عمرى ماكنت عملتلها حاجة، لكنى عملت عملية ختان لابنتى الكبرى من سنتين عند نفس الدكتور، وكل أهالى القرية بيروحوا عنده فى العيادة لأنه دكتور بيعالج كل حاجة وسعره قليل علشان ظروف الفلاحين الغلابة».

وقالت حسنات نعيم فوزى، والدة الضحية: «الدكتور هو اللى بيعمل كل حاجة، وبتساعده ممرضة وخلاص، لكن الدكاترة فى مستشفى أجا بيقولوا إن البنت أخذت جرعة مخدر زيادة وده سبب وفاتها»، وأضافت باكية: «أنا مش عايزة حاجة غير حق بنتى، والدكتور يتحاسب».

وكشف محمد الباتع، عم الضحية، أن الطبيب حاول مساومة الأسرة بدفع ٢٠ ألف جنيه مقابل عدم تحرير محضر بالواقعة، وعدم اتهامه بالتسبب فى وفاتها.

وقرر طارق حمودة، مدير نيابة أجا، تشريح جثة الطفلة لبيان أسباب الوفاة وضبط وإحضار الطبيب المتهم بالتسبب فى وفاتها، وقال السيد عبدالسلام، محامى أسرة الضحية، إن جميع الأطباء الشرعيين كانوا فى إجازة، واضطرت النيابة لاستدعاء أحدهم من المصيف لتشريح الجثة، مشيراً إلى أن تقرير مفتش الصحة أكد أن الوفاة نتيجة صدمة؛ مما أدى إلى هبوط حاد فى الدورة الدموية.

من جانبه، قال الدكتور عبدالوهاب سليمان، وكيل وزارة الصحة بالدقهلية، إنه لم يتم إخطار مديرية الصحة بالواقعة حتى الآن، مشيراً إلى أنه سيوجه «العلاج الحر» للتوجه لعيادة الطبيب لفحصها وبيان ما إذا كانت مرخصة من عدمه، مؤكدا أن الطبيب، بخلاف واقعة وفاة الطفلة، خالف القانون بإجراء عملية الختان، وهى من العمليات الممنوعة بنصوص القانون.

حب ما بعد حداثي

يخيل إليّ إن ما بعد الحداثة كانت مرحلة موجهة بالأساس لإعادة تعريف بعض المفاهيم بهدف إتساعها بالضرورة...يعني مش لازم الدعارة تكون ممارسة الجنس في مقابل المال و إن المهان فيها بالضرورة هو طرف الست، لأ ممكن يكون موقف من الفقراء أو الكذب السياسي أسوأ من الدعارة...ده بالنسبة لي موقف إيجابي لأنه بيزيد من فداحة التصرفات الملتوية، موقف أكثر وضوحا و صراحة

لكن المشكلة كانت في اختفاء مفاهيم كتير أو بالأحرى إنها بقت غامضة و غير واضحة....الخير و الحق و العدالة واقعين في المعضلة دي...ده نقد أساسي بيتوجه للفكر ده من دعاة ما قبل الحداثة و اللي شايفين إن ما بعد الحداثة مرحلة مشوهة ملهاش معالم

يعني كمثال في العلاقات الشخصية، اليوم اللي بطلنا نقول فيه ان التنطيط بين علاقات كتير و ممارسة جنس لأجله فقط لا غير وساخة و نمط حيواني متدني في العلاقات بقينا بنقول إنه تجربة و تجرد بالجنس لوظيفته الأساسية البيولوجية من غير ما نحمله أكثر مما يحتمل من ممارسات مجتمعية بالية ... معرفش مين قال ان التجرد ده للأفضل و إن نزولك خطوات التطور اللي بترفعك - لأهداف جيدة بالمناسبة- شئ جيد و منطقي و عقلاني!! معرفش ليه كمان الوقوع في اختيار ثنائي راديكالي كده...يعني ليه الاختيار ما بين هذا الافراط في الوساخة أو الافراط في الحزن نتيجة للاستمرار في علاقة هي كمان فاشلة لكن متماسكة لأسباب عائلية و مجتمعية؟

لا أرى بأي شكل من الأشكال تتعلق فيه المشكلة دي بالكبت... المشكلة ذهنية فردية تماما!

 

الاحتباس الحراري

مشروع التخرج - يوليو 2008 - الاحتباس الحراري و أثره على التنوع البيولوجي

 درجة الحرارة حترتفع حترتفع لحد ما التلج يسيح و يغرقنا ... آمين

تحية خالصة لكل بنت لابسة كارينا - عملولنا اخيرا قطن ليكرا بيلزق زي الأول و بيحرر اكتر- و معصم و طرحة أو طرحتين فوق بعض أو طرحة  و بندانا أو بوليرو طويل أو بوليرو قصير أو ليجينج

الاحتباس الحراري حيقضي على الحيوانات يا حيوان

على فكرة - بصوت خفيض - قفاكي باين

فقرة إعلانية: شربات سودا للمحجبات

كل ده عشان ميهيجش أي ابن وسخة عليكي في الشارع

تؤ الحجاب عشان الفضيلة

الاحتباس الحراري قضى على الدببة في القطب الشمالي ... كس أم الفضيلة

مخلوقة أنا عشان أحافظ على فضيلة كائن نازل فضيلته ملخلعة ... أحا!

شاب حنين : ما تخلعي الحجاب

شاب مهذب بلحية خفيفة: الحجاب فريضة

شاب وسخ: ما تقلعي الحجاب

شاب مثقف وسخ و هايج: المجتمع ...المجتمع

فيمينست متكهربة: اتحرري ي ي ي ي ي ي ي ي ي ي أنا العاهرة يا تكسجية يا قوادين

فيمينست بحجاب: محدش متحكم فيا

فيمينست متعرفش انها فيمينست: مبيتكلموش غير عن جسمنا و لبسنا ... احنا فينا الفلاحة و الطبيبة و اللي بتشيل مواد

مش فيمينست: لسة فاضل الطرحة و البادي نجيبهم و نروح خلاص

فقرة إعلانية: الطرحة بعشّة جنيه...بعشّة جنيه وفيها كل الألوان الفاقعة

أيوة حضرتك اللي هناك ده ... متستنانيش يا روح امك احررلك المجتمع عشان مش فاضية

الاحتباس الحراري حقيقة علمية بالنظر لكل الرسوم البيانية اللي بترصد درجة حرارة الأرض

فقرة إعلانية: شوارتسكوف مهتمة بيكي و منزلة شامبو بتركيبة الكرياتين عشان شعرك اللي بيقع

احنا ملناش دعوة بس هي مش اوفر شوية؟ خلينا في حالنا

مبيشغلوش محجبات...مبيشغلوش واحدة بشعرها

فقرة إعلانية: الحجاب بيحافظ على شعرك من قمل الاخرين...سبحان الله

 ابتسامة دعاء عامر

على فكرة -بصوت خفيض- شعرك باين

و هو يعني اللي بنلبسه ده حجاب ... ده يا بنتي المفروض يكون ............

كل آية و ليها تفسير و هو حديث آحاد

شير لايك ...لايك شير...شتيمة

فقرة إعلانية: كارينا بيجيب تسلخات...الطرحة دي مش شيفون يا فندم دي ب 150 جنيه
مش محتاجة حد يحررني
نوت: ليه قلعت و ليه لسة حاقلع؟
شير شير ... لايك لايك

الاحتباس الحراري غيروا اسمه بقا تغير المناخ

كل حاجة حيتقال عليها سطحية حتلاقي الدين خلص

الدين خلص ؟ مفيش يعني :( ...مش عارف طب فوت عليا بكرة

 

الأشياء بمسمياتها

ويقوم واحد مسمّي نفسه مثقف في محاولة تبرره إنه مهووس بجسم أي بنت يتعامل معاها، وبيفكّر بنصه التحتاني "بس" برده:

-أصل الرجالة مختلفين عن الستات؛ الرجالة تركيبهم البيولوجي بيخلي الجنس أهم ليهم ..

ويبص في عييها وعينيه عليها غيمة قذرة وبيريّل،ويكمّل:
- بيبقوا هيجانين أكتر يعني ..

---
بس وبيزعل بعد كده لمأ تقوله إنه قذر ..
قبل ما تنظّر على "رغبات" الستات ابقى اسألهم .. أو اقرا أول تلات أربع نتايج يطلعولك بالبحث بكلمتي: women .. libido .. وقبل ما تستذكى وتعمل فيها مثقف عشان ترضي قذارتك، اعرف إن فيه زيّك كتير؛ مفضوحين فشخ يعني ..

أنا بيتهيألي كتير إن رجالة وسط البلد -إلا قليلا- أوسخ من سواقين التكاتك والميكروباصات.

 

.................................................

ويللا نسأل سؤال لطيف ..
انت كراجل عمرك فكرت في أمّك أو أختك بشكل جنسي؟ بتقعد تقيّم جسمها وتفاصيله وتتخيل أوضاع؟ سبب بيولوجي؟
ماشي، انت لما بتبقى متربي مع بنت الجيران على إنكو إخوات من وانتو لسه ما تعرفوش يعني ايه "جنس" و"جنس آخر"، بتقعد تسبلها عينيك لما تكبروا وتفصصها حتة حتة؟

ديه حاجة بتتربّى عليها وبتكتسبها .. بتتعلّم تحترم الناس ديه وتتعامل مع حاجات تانية فيهم غير جسمهم .. ما أحبش أسمع بقى الك...لام بتاع أصل ديه حاجة غريزية .. هو الجنس غريزة فعلا ومحتاج تشبعها عشان ما تبقآش معقد نفسيّا، بس هيّ مجرد حاجة .. والمفروض البني آدم السوي بيبقى عنده "كراش" ناحية حد بعينه، حتّى لو بيغيّر الحد كل شويّة .. بس بيبقى "حد" مش "أي حد" ..

انت مريض نفسيّا ومحروم .. ده سببه المجتمع المتخلف، سببه قناعاتك الدينية، ظروفك الماديّة، ... إلخ. المهم إنها مشكلتك لوحدك، اللي تحلها لوحدك، وما تشيلشي ناس كل ذنبهم إنهم بيتشاركوا معاك أم الحياة المسؤوليّة وتعاقبهم وتفرض عليهم طريقة معينة لكل حاجة عشان ما يفكروكشي بحرمانك .. ليييه يعني! انت مين أساسًا؟ ايه أهميتك في الحياة اللي بتديلك الأفضلية ديه!

روح حل أزماتك لوحدك .. ولما تخف وتبقى شخص سوي، ابقى تعالي تفاعل معانا في المجتمع .. غير كده، ما تزعلشي لما تتشتم وتتعزل ويتعملك محاضر تحرش ويوصل البعض للمطالبة بإخصائك؛ انت شخص مؤذي حقيقي واحنا مش فاضيين نطبطب على أمثالك ..

 

 

سمية ربيع

 

قاع المشكلة

حمدين صباحي ف أون تي في مش حاجة عظيمة الصراحة..
بس طبعا مبهر زي الزعماء اللي بجد بالمقارنة بسي خرا..
طبعا الحكم دا مش مقنع بالنسبة للفئات المؤيدة أكثر لمورسي: الأكبر سنا، الصعايدة، زي ما جا ف استطلاع رأي. سي خرا مقنع للناس بتوعه عشان يشبههم، وعشان هما طول الوقت بيتصرفوا زيه كدا.. مزيج من الجبن والتظاهر والكذب الملاوع والكلام الفاضي والتكالب على كل تعريفة بأي ثمن وداري على شمعتك تئيد ولو لك حاجة عند الكلب قول له يا سيدي وطاطي عشان تعلا، واتمسكن لحد ما تتمكن.. واللي بيخاف م الكبير ويستغل الصغير هو اللي يبقى عمده

 

شريف يونس

..........................................................

الشباب المصري والعربي بيمارس العادة السرية لكن عندما يتم عمل فيلم عن شئ كهذا أصبحت سفالة وعهر وخروج عن الدين !!!! .. المصريون يكرهون أنفسهم ويخشو بشدة من رؤية وجههم الحقيقي علي الشاشة ! ... أنا شخصيا تعرضت لإيذاء نفسي بسبب الفتاوي وآراء الشيوخ في فترة المراهقة .. طبعا لا وجود لصداقة مع الجنس الآخر ولا أدني علاقة بدعوي العيب والحرام وحتي متعة العادة السرية بالتأكيد هي حرام ... ولا يتوقف الأمر عند هذا ... قصص مرعبه عن خطورة ممارستها وأنها تسبب الضعف الجنسي وضعف الإبصار وضعف كل شئ و قصص عن فلان الفلاني الذي مات وهو يقوم بها وفلان الفلاني مات وهو يشاهد أفلام إباحية و الرب الرحيم بالتأكيد سيحرقة في النار ويبعث علي هذا الفعل .. و قصص أخري عن عذاب القبر والسخافة والهراء كان حقيقة في عقلي في هذا الوقت .... لحظة المتعة التي تختلس في غفلة من السجانين يعقبها ندم وإكتئاب وبكاء وتضرع لله وهكذا ونفس السيناريو يتكرر مرة ومرتين وألف ... هذه هي فترة المراهقة في بلد عربي .. هذه هي البيئة التي يصنعها الدين ورجالة ... وحتي الآن ما يقال لنا ونحن أطفال مهما حاولت أن تتناسي ومهما أصبحت عقلانيا تترك أثرا وعقد نفسية .. في نفس القضية لكن من جهة أخري.... الرجل الذي يعاني من إنه تزوج زواج تقليدي ولا يحب زوجته هو نفس الشخص الذي يمنع إبنته أن تحب وأن تعشق و نفس الشخص الذي يعاني من البرود الجنسي عند زوجته هو نفسه من يقطع جزء من جسد إبنته لإعتقاد سخيف ومتوارث .. وكل هذا العبث ما هو إلا محاولة منهم لكي يحترمو أنفسهم ولو قليلا فالغرب ودول الكفر متقدمة في كل شئ فكل هذه الأفعال وتكبيل الجنس والحب في بلادنا ليشعرو بشئ من النبل وأنهم أطهر وأنهم أمة الأخلاق .

 

محمد

...........................

 

أعتقد إن المتحدثين في اذاعة القرآن الكريم لو توقفوا 3 ثواني قبل ما يقولوا أي جملة و بعدين أدركوا إن دي سنة 2013 ممكن يخرج منهم كلام عاقل بعد كده...فكرت في ده انهارده في درس الصدق اللي كان بيقوله الراجل و بدأ حديثه بأمثلة الكذب المباح زي إن عدو يسألك عن تفاصيل بلدك (هو مستنيك فعلا) أو إن واحد يقول لمراته انتي حلوة (المثل ده بيتقال من يوم ما اتوجدت على الأرض مع العلم انه متغيرش أبدا في ان الست هي اللي تقول لجوزها انه وسيم مثلا ده) المهم ان الامثلة دي تلاها الحديث عن الصدق..فصام مبالغ في حدته!

 

أنا

 

 

حوادث

اليوم : الاثنين
التاريخ : 2013-4-15

الحدث :
حوالي الساعه 8 مساءاً كده سمعت صوت زعيق جامد في الشارع خرجت البلكونه لقيت كميه لا حصر لها من الرجاله و الشباب ملموم...ين حوالين حد مش قادره أوصله بنظري خالص من كمية الناس اللي حواليه و كل الناس بتحاول توصل للشخص اللي جوه الدايره دي عشان يضربوه .. و فجأه جريوا كلهم بالشخص و نقس الكثافه و التكدس حواليه .

و بما إني ساكنه في مكان إلى حد ما شعبي و بنشوف خناقات كتير بس عمرها ما بتبقى بالكثافه و العدد الغريب ده , بعد ما مشيوا نزلت أعرف كان في إيه من البوابه .
نزلت لقيت البوابه بتاعتنا دايخه و منهاره كلياً و بتعيط . فضلت معاها شويه لحد ما هديت و بدأت تحكي ..

اللي كان جوه الدايره دي " بنت ، ملط تماماً " كانت في شقه مع شباب و البوليس دخل فـ قررت إنها تنزل من البلكونه كما هي " ملط " و جريت كده في الشارع عشم منها إن حد يسترها .
و اللي حصل إن كل الرجاله إتلمت عليها بالمنظر اللي أنا شوفته و كانوا " بيحسسوا " اللي يلحق يحسس ع اي حاجه يلحق ، واحده قالعه في الشارع !
البوابه بتاعتنا رمت عليها ملايه بس قطعوها من عليها !
كانوا بيغتصبوها بإيديهم و بعيونهم و بلسانهم .

أنا مش مستوعبه اي حاجه من وقتها ، كل اللي حاسه بيه إن نفسي أنزل الشارع بتاعنا و أجيب كل نطع حط إيده عليها و أطبق عليه زي ما بيقولوا شرع ربنا و أقطعهالوا

صدقوني : كمية النطاعه و القرف اللي بقينا فيهم خلتني أتعاطف مع " عاهِره " بدل ما أقرف منها ، خلتني أسب و ألعن الحياه كلها

أنا قرفانه من كل حاجه ، كل حاجه ، من شارعنا اللي خذلني في يوم من الأيام بردو و كل يوم بيثبتلي إنه مفيهوش راجل ، من كمية النطاعه اللي بقت في الناس ، من القرف اليومي ، من كل حاجه

كل اللي في بالي إني نفسي أعرف البنت دي فين دلوقتي و أروحلها
أنا مُتعاطفه مع العاهِره يا مجتمع وسخ !

 

ميرال محمد

 

...........................

أستاذة «بعين شمس»: هناك تواطؤ من إدارة الجامعة في قضية التحرش بالطالبات

 

قالت دكتورة ليلى أبو المجد رئيس قسم العبري بجامعة عين شمس، اليوم الثلاثاء أن هناك تباطؤ في سير التحقيق في قضية التحرش بالطالبات.
وأضافت في مداخلة هاتفية للإعلامي جابر القرموطي في حلقة اليوم من برنامج «مانشيت» أن هناك تواطؤ من إدارة الجامعة بدليل أنه رغم تقديم جميع المستندات التي تدين هيئة التدريس في التحرش بالطالبات إلا أنه لم يتم حتى الآن أي تصرف قانوني ضدهم بحجة أنه لا يوجد إذن نيابة وهو الشئ المحزن المضحك في نفس الوقت.
وأوضحت دكتورة ليلى «أن إحدى الطالبات صورت احد أفراد هيئة التدريس في وضع مخل وهو عار تماما ويعرض نفسه على الطالبات في «المحادثات» على النت والفيديو يعد دليل قوي ولكن المفاجأة أن الأساتذة المتهمين في هذه القضية هددوني برفع دعوى قضائية كرد شرف لهم» وتطرقت في حديثها إلى أحداث البلطجة التي وقعت في جامعة عين شمس مؤخرا.
و قالت «أن البلطجة التي حدثت مؤخرا جزء من منظومة الفساد داخل الجامعة ولجأنا للإعلام بسبب تباطؤ الجامعة في التحقيقات وعلاج الفساد وفي النهاية تستعين الجامعة بلجنة من خارج الجامعة للتحقيق في قضية التحرش» وأكدت دكتورة أبو المجد أن هناك تعنت ضد الطالبات اللاتي تقدمن بالبلاغ ضد الأساتذة ولكن الطالبات أصروا على إستكمال القضية ولن يتنازلن عن حقهم.

مصر